Önnur þjónusta

Sæðisrannsóknir eru gerðar af ýmsum ástæðum.

Þegar kannaðar eru ástæður ófrjósemi hjá pari er mikilvægt að gera sæðisrannsókn. Sæðið er skoðað í smásjá og athugað með fjölda og hreyfanleika sáðfruma ásamt öðrum þáttum.

Eftir ófrjósemisaðgerðir er mikilvægt að skila inn sæðissýni svo hægt sé að meta hvort aðgerð hafi tekist. Engar sáðfrumur eiga þá að sjást í sæðissýninu.

Mikilvægt er að fara eftir þeim leiðbeiningum sem gefnar eru fyrir skil á sæðissýni svo niðurstöðurnar séu sem marktækastar.

Gæði eggja fer minnkandi með aldrinum. Sífellt verður algengara að fresta barneignum og við það aukast líkurnar á ófrjósemi.

Hægt er að frysta ófrjóvguð egg og nota síðar á ævinni.

Fósturlím er íslenskt nafn á erlenda heitinu „Embryo Glue“ en það er ræktunarvökvi sem notaður er rétt fyrir uppsetningu á fóstuvísum þegar glasafrjóvgun er framkvæmd. Skömmu fyrir uppsetninguna þá er fósturvísirinn settur í fósturlímið sem á að auka líkur á þungun. Það hefur verið sýnt fram á í mörgum ritrýndum rannsóknum að fóstrulímið virkar vel við að auka festu fósturvísisins við legið og þar með að auka líkur á þungun. Vökvinn inniheldur náttúruleg efni sem fyrirfinnast í líkamanum (hyolarinsýru) og tilgátan er sú að efnin auki getu fósturvísisins til að líma sig fastan við legið – þar af nafnið.

Við hjá Sunnu frjósemi viljum að sjálfsögðu gefa okkar skjólstæðingum tækifæri á að nota þær vörur sem sýnt hefur verið fram á á vísindalegan hátt að auki líkur á þungun.

NiPT er blóðprufa sem greinir erfðaefni frá fóstri í blóði þungaðrar konu. Rannsóknin getur sýnt hvort líklegt sé að litningafrávik séu til staðar. Einnig er hægt að fá upplýsingar um kyn fósturs.

Prófið er öruggt fyrir bæði móður og fóstur og hægt að framkvæma frá og með viku 10 á meðgöngu. Niðurstöður liggja venjulega fyrir eftir 7–10 virka daga. Tvenns konar NiPT er í boði. Annars vegar rannsókn þar sem skoðuð eru 5 litningapör (X, Y, 13, 18 og 21)  og hins vegar ýtarlegra próf þar sem öll litningapörin eru skoðuð.

NiPT stendur öllum til boða og hægt er að panta tíma með því að hringja í síma 591-8000. Heimsóknin felur í sér ómskoðun til að ákveða aldur fósturs og blóðsýnatöku.
Verð á NiPT má finna í verðskrá Sunnu.

Við hjá Sunnu bjóðum upp á fósturvísaskimanir (PGT) sem geta skipt miklu máli í frjósemisferli.

Fósturvísaskimun er aðferð sem notuð er í tengslum við tæknifrjóvgun (IVF) til að skima fósturvísa áður en þeim er komið fyrir í legi. Fósturvísaskimanir geta verið mikilvægar, bæði sem leið til að stytta biðina eftir lífvænlegri þungun (PGT-A) en líka við greiningar á alvarlegum erfðasjúkdómum (PGT-M)